1/3
តំបន់ទេសចរណ៍ជាតិបែបសាសនា និងធម្មជាតិ ស្ថិតនៅទិសខាងជើងឈៀងកើតនៃ គម្រោង យិន ផារ៉ាដាយ។ ក្នុងនោះត្រូវបានរៀបចំឱ្យមាន ព្រះបដិមាសរុប 13 ព្រះអង្គធំៗ។ ការៀបចំហេដ្ឋានរចនាសម្ព័ន្ធ ត្រូវបានគិតគូរយ៉ាងល្អិតល្អន់ តាមក្បួនហុងស៊ុយវិទ្យាសាស្ត្រ និងតារាស្ត្រ ដែលធ្វើឱ្យការបន់ស្រន់តាមព្រះបដិមានិមួយៗ កាន់តែមានភាពស័ក្តិសិទ្ធិខ្លាំង។ មិនតែប៉ុណ្ណោះក៏នៅមានកន្លែងកម្សាន្តផ្សេងៗទៀតជាច្រើនដូចជា៖ ផ្សារលើទឹក ភោជនីយដ្ឋានម្ហូបខ្មែរ រោងកសិទេសចរណ៍ និងកន្លែងសមាធិជាដើម…។ ហេដ្ឋារចនា សម្ព័នទាំងអស់សុទ្ធសឹងតែប្រើលំនាំរចនាបថខ្មែរ ផ្សារភ្ជាប់ជាមួយធម្មជាតិយ៉ាងស្រស់បំព្រងធ្វើឱ្យគ្រប់គ្នាដែលបានចូលទស្សនាកម្សាន្តហើយ មានអារម្មណ៍ល្អស្រស់ ស្រាយភ្លេចរាល់ទុក្ខកង្វល់។
បើកដំណើរការជារៀងរាល់ថ្ងៃ ចាប់ពីម៉ោង 8:30នាទីព្រឹក ដល់ម៉ោង 5:30នាទីល្ងាច និងមានឡានអគ្គិសនី ជូនភ្ញៀវទស្សនាជុំវិញគម្រោងដោយឥតគិតថ្លៃ។
បន់ស្រន់ព្រះបដិមា កន្លែងថតរូបស្អាតៗ មានម្ហូបខ្មែរ បន្លែផ្លែឈើធម្មជាតិស្រស់ៗពីចំការបងប្អូនប្រជាពលរដ្ឋ ក្នុងតំបន់ ផ្ទាល់។ កំពុងតែអភិវឌ្ឍន៍ទីតាំងពិសេសៗជាច្រើនបន្ថែមទៀត…។
រៀបចំតាមក្បួនខ្នាតហុងស៊ុយ អមដោយសោភ័ណ្ឌភាពនៃរុក្ខជាតិបៃតងខ្ចី ធ្វើឱ្យបរិយាកាសល្អបរិសុទ្ធ មាន ផាសុខភាព មានសន្តិសុខប្រចាំការ 24ម៉ោង/7ថ្ងៃ ដែលរក្សាបាននូវសុខសុវត្ថិភាពក្នុងគម្រោងខ្ពស់បំផុត។
ទីសក្ការៈវិមានឋានសួគ៌ រៀបចំឡើងដើម្បីគាំទ្រដល់វិស័យទេសចរណ៍ក្នុងស្រុកឱ្យកាន់តែរឹងមាំ ដោយបានបង្ហាញអំពី វប្បធម៌ ប្រពៃណី សាសនា រចនាបថក្បាច់បុរាណខ្មែរ រួមទាំងម្ហូបអាហារខ្មែរទៅកាន់អន្តរជាតិដើម្បីឱ្យពិភពលោកបាន ស្គាល់កាន់តែ ច្បាស់។ មិនតែប៉ុណ្ណោះគម្រោងនេះបានជួយបង្កើនការងារដល់ប្រជាជនក្នុងតំបន់ជាច្រើន ធ្វើឱ្យលំហូរសេដ្ឋកិច្ចកាន់តែប្រសើរឡើងថែមមួយកម្រិតទៀត។
ព្រះសីវលី ជាសាវ័កព្រះមួយព្រះអង្គនៅក្នុងព្រះពុទ្ធសាសនាថេរវាទ ទ្រង់លើផ្កាឈូកមានព្រះហត្ថម្ខាងកាន់ ឈើច្រត់ និងព្រះហត្ថម្ខាងទៀតកាន់តាំងយូ។ ព្រះអង្គគឺជាអ្នកការពារនៃការធ្វើដំណើរ ហើយត្រូវបានគេជឿថា អាចការពារពីសំណាង អាក្រក់ ព្រះអង្គសម្បូរដោយលាភជាអនេកច្រើនអស់លើសព្រះអរហន្តទាំងពួង។ ការបន់ ស្រន់រូបព្រះបដិមាអង្គសីវលី គឺសម្រាប់ ការសុំលាភជ័យ លក់ដូរដាច់ និងសុំសំណាងល្អ។
ព្រះម៉ែធរណី ជាទេពដែលថែរក្សាទឹកដី ឬតំណាងឱ្យព្រះធរណី នៅក្នុងព្រះពុទ្ធសាសនាថេរវាទ ទ្រង់លើផ្កាឈូក ព្រះហត្ថច្បូតសក់ មានទឹកខាងក្រោម។ ប្រជាជនខ្មែរមានជំនឿ និងគោរពប្រតិបត្តិដល់ព្រះម៉ែធរណី ព្រមទាំង មានចម្លាក់នៅលើសិលាចារឹតខ្មែរតាំងពីសម័យមុនអង្គរមកម្លេះ។ ការបន់ស្រន់ព្រះម៉ែធរណី គឺអាចសុំលើផ្នែក ហិរញ្ញវត្ថុ លក់ដីដាច់ និងសុំជៀសផុតពីអ្នកមានបំណងអាក្រក់មកលើយើង។
ព្រះរាហូ គឺទេពនព្វគ្រោះមួយក្នុងចំណោមទេពនព្វគ្រោះទាំង9 ក្នុងព្រហ្មញ្ញសាសនា មានសម្បុលខ្មៅ មានត្រឹមមួយកំណាត់ព្រះកាយកំពុងចាប់ព្រះអាទិត្យ ឬព្រះច័ន្ទនៅលើពពក និងចូលចិត្តពណ៌ខ្មៅជាពិសេស។ តាំងពីសម័យបុរាណកាលមករូបចម្លាក់ព្រះរាហូត្រូវបានពេញនិយមឆ្លាក់នៅតាមផ្តែរ និងដំបូលប្រាសាទ។ ព្រះរាហូមានឫទ្ធិអំណាចបារមីខ្លាំងក្លា ដែលអាចបន់ស្រន់សម្រាប់ការរំដោះគ្រោះភ័យបានតាមបំណងប្រាថ្នា ដោយសែនតម្រូវតាមក្បួនច្បាប់ខ្មែរពីសម័យបុរាណ។ ការបាត់បង់គម្ពីជាច្រើនទើបសម័យបច្ចុប្បន្នពុំសូវមាន អ្នកដឹង ឬ បានស្គាល់ច្បាស់ពីការគោរពដល់ព្រះរាហូ។
ព្រះសិវៈ និងព្រះម៉ែឧមា ជាអាទិទេពធំមួយក្នុងចំណោមអាទិទេពធំៗទាំងបីនៅក្នុងព្រហ្មញ្ញសាសនា។ ព្រះសិវៈមានព្រះនេត្របីតំណាងឱ្យព្រះអាទិត្យ ព្រះច័ន្ទ និងព្រះអគ្គី ដែលបានផ្តល់ពន្លឺមកកាន់ផែនដី លំហអាកាស និងផ្ទៃមេឃ អាចមើលឃើញបច្ចុប្បន្នកាល អតីកាល និងអនាគតកាល។ ព្រះម៉ែឧមា ជាមហេសីទី1 និងជាព្រះសក្តិរបស់ព្រះសិវៈ មានចិត្តស្មោះស្ម័គ្របរិសុទ្ធ។ ការបន់ស្រន់រូបព្រះបដិមាអង្គ ព្រះសិវៈនិងព្រះម៉ែឧមា អាចសុំលាភជ័យ សុំសេចក្តីស្រឡាញ់ និងសុំបុត្រ (កូន) បានតាមប្រាថ្នា។
ព្រះគណេស ដែលព្រះកាយជាមនុស្ស និងព្រះកេសជាសត្វដំរី និងមានដៃចំនួនបួន (រចនាបថសម័យអង្គរ) ព្រះដែលប្រឆាំង និងសេចក្ដីស្មុគស្មាញ ការសុំលាភជ័យ និងជាព្រះនៃសេចក្ដីសម្រេចផល។ ពេលដែលបន់ស្រន់ ឬបូជាចំពោះព្រះអង្គនោះនឹងនាំមកនូវ សេចក្ដីចម្រើន សិរីសួស្ដី ជ័យមង្គល និងអាចសម្រេចបានគ្រប់កិច្ចការទាំងអស់។
រចនាឡើងតាមបែបរចនាបថខ្មែរ ដែលការសាងសង់នៅលើស្រះទឹកដ៏ធំមួយ។ ក្នុងនោះយើងរចនាឱ្យមាន លក់ទៅតាមសម័យ កាលបុរណ។ ការបន្លែធម្មជាតិស្រស់ៗ នំចំណី ការជិះទូកលេងកម្សាន្តលេង ដែលផ្តល់ អារម្មណ៍មួយប្លែកហាក់បីដូចយើងឆ្លង ភពទៅកាន់សម័យបុរាណដូចច្នេះដែរ។
ម្ហូបអាហារបែបខ្មែរជាច្រើនមុខ អាហារពេលព្រឹក អាហារពេលថ្ងៃត្រង់ និងអាហារពេលល្ងាច ងាយស្រួលសម្រាប់ភ្ញៀវ ទេសចរណ៍ទាំងអស់មកកម្សាន្ត និងភ្លក្សរសជាតិម្ហូបខ្មែរយ៉ាងរីករាយពេញមួយថ្ងៃ។
សម្ភារៈ របស់របរប្រើប្រាស់ អាហារសម្រន់ និងភេជ្ជៈចម្រុះ ដែលភ្ញៀវទេសចរណ៍អាចចូលស្វែងរកតាមតម្រូវការ ពេលធ្វើដំណើរកម្សាន្តនៅ ទីសក្ការៈវិមានឋានសួគ៌។
